Во рамките на процесот на правење на процена на недостатоците во давањето на правна помош во кривични постапки во Северна Македонија, се одржаа неколку интервјуа на далечина со релевантни стручни соработници (приватни и адвокати по службена должност, судија, јавен обвинител, претставници од Министерството за правда, службеник за старателство, итн.).

За време на оваа тридневна процена, која ја спроведоа двајца консултанти на Советот на Европа и проектниот тим, се одржаа девет состаноци/интервјуа со кои се опфатија важни теми како на пример, правната помош во кривични постапки (истрага, судски рочишта и жалбите), механизмот за барање и доделување на адвокат, давателите на услуги и механизмите за обезбедување на квалитет, како и за менаџирање и финансирање на системот. Освен интервјуата, консултантите спроведоа и анкета, користејќи прашалници за адвокати и за судии, опфаќајќи ги горенаведените теми.

Податоците собрани преку интервјуата и прашалниците ќе им помогнат на консултантите на Советот на Европа, г-дин Виктор Захариа и г-а Бојана Неткова, да ја изготват процената и потоа да дадат препораки за давањето на правна помош во кривични постапки во Северна Македонија. Нивната работа ќе ја постави основата и ќе ги даде потребните насоки за отстранување на недостатоците и за спроведувањето на последователните активности за подобрување на пристапот до правдата во кривичните постапки, што е основен предуслов за остварување на човековите права.

Активноста беше организирана во рамките на проектот за “Поддршка за подобар пристап до поквалитетни услуги за бесплатна правна помош во Северна Македонија” кој е дел од програмата ‚‚Хоризонтален инструмент за Западен Балкан и Турција IIʻʻ , заеднички проект на ЕУ/Совет на Европа којшто го спроведува Советот на Европа.