На 18 октомври 2020 година, по повод одбележувањето на " Европскиот ден против трговијата со луѓе", во Скопје се одржа онлајн размена со новинари, медиумски претставници и претставници на граѓанското општество. Настанот беше организиран од страна на заедничката акција на Европската унија и Советот на Европа за „Спречување и борба против трговија со луѓе во Северна Македонија“, во соработка со Националната комисија за борба против трговија со луѓе и со учество на Меѓународниот центар за развој на миграциска политика.

За време на овој настан, учесниците разменија мислења и разговараа за институционалната рамка за спречување и борба против трговијата со луѓе и за начините на кои медиумите можат да придонесат кон подигање на јавната свест за случаите на трговија со луѓе.

„Северна Македонија е посветена на спречување и борба против трговијата со луѓе. Наскоро ќе донесеме нова стратегија и акционен план. Извештаите од мониторингот на групата на експерти за борба против трговија со луѓе на Советот на Европа и овие стратегиски документи се основа за нашата посветена борба против трговијата со луѓе. Трговијата со деца е меѓу нашите приоритети, затоа што бројот на откриени деца-жртви се зголемува“- изјави Магдалена Несторовска, Национален координатор за борба против трговија со луѓе и државен секретар во Министерство за внатрешни работи.

Во своето обраќање Светлана Влаховиќ - на заменик Националниот спречување на трговијата со луѓе координатор истакна дека: "Ефективната меѓуинституционална соработка, координирана од страна на Националната комисија за борба против трговијата со луѓе и пристапот каде жртвата е во фокусот се клучни за ефикасна борба против трговијата со луѓе. Медиумите имаат голема улога во зголемувањето на јавната свест и со тоа помагаат да се спречи ова злосторство.“

Во 2019 година, во Северна Македонија се идентификувани 6 жртви на трговија со луѓе , од кои 4 се деца. Доминантни форми на експлоатација во Северна Македонија се сексуална експлоатација и присилни бракови, додека Северна Македонија останува и земја на транзит на трговијата со луѓе.

Трговијата со луѓе е еден од најсериозните кривични дела на човековото достоинство и интегритет и е криминализирана и во националното законодавство. Конвенцијата на Советот на Европа за акција против трговија со луѓе стана клучен референтен текст во Европа, ставајќи го фокусот на заштитата на жртвите на трговија со луѓе. Државите потписнички имаат обврска да спречат трговија со луѓе, да ги идентификуваат и заштитат жртвите и да ги гонат трговците со луѓе.

Овој настан е организиран во рамките на програмата „Хоризонтален инструмент за Западен Балкан и Турција 2019 - 2022 година“ – проект за „Спречување и борба против трговија со луѓе во Северна Македонија“, кофинансиран од Европската унија и Советот на Европа и спроведуван од Советот на Европа.