Во овие временски периоди, граѓаните ќе можат да добијат информации за процедурите за добивање граѓанска документација и за услугите за бесплатна правна помош што им се на располагање. Исто така, ќе можат да постават конкретни прашања директно до правните експерти од тимовите и да добијат детални упатства за тоа каде и како да пристапат до бесплатна правна помош.

Ќе бидат поделени лесно разбирливи информативни материјали, кои ќе опфаќаат клучни теми како што се добивање бесплатна правна помош, како и информации за граѓанска документација, семејно насилство, имотни права, антидискриминација и социјална заштита.

Со вградување на правна поддршка во рамките на постојните јавни институции, оваа иницијатива го прави пристапот до правдата поконзистентен и подостапен за граѓаните. Вклученоста на граѓанските организации и на студентите дополнително придонесува за градење на капацитетите на идните правни професионалци и на актерите од граѓанското општество, обезбедувајќи одржливост и ефикасност на бесплатната правна помош и во иднина.

Оваа иницијатива е организирана во рамките на проектот “За консолидиран и поефикасен систем за бесплатна правна помош (БПП) во Северна Македонија” кој е дел од заедничката иницијатива на Евроспката Унија и на Совет на Европа, “Horizontal Facility за Западен Балкан и Турција” и Мисијата на ОБСЕ во Скопје, во тесна соработка со Министерството за правда на Северна Македонија, Управата за водење на матичните книги и Министерството за дигитална трансформација.