Back Кои се правата на жртвите на кривични дела со насилство?

Ново информативно видео за работата на Комисијата за надомест на жртви на кривични дела со насилство промовирано во Северна Македонија
Северна Македонија 3 јули 2025
  • Diminuer la taille du texte
  • Augmenter la taille du texte
  • Imprimer la page
  • Imprimer en PDF
Кои се правата на жртвите на кривични дела со насилство?

По усвојувањето на Законот за паричен надомест на жртвите на кривични дела со насилство во ноември 2022 година, во февруари 2024 година беше основана Комисијата за надомест на жртвите на жртвите на кривични дела со насилство. Задачата на Комисијата е јасна: да ги испита и одобри барањата за државен паричен надоместок на жртвите на кривични дела со насилство, вклучувајќи ги и жртвите на трговијата со луѓе. Во обид да се допре до локалните заедници и јавноста со информации за обемот на работа на Државната комисија, и уште поважно за правата на жртвите, заедничкиот проект на ЕУ и Советот на Европа "Зајакнување на активностите против трговија со луѓе во Северна Македонија" изработи анимирано промотивно видео. Видеото дава важни и структурирани информации за тоа кој има право да добие надомест, како да пристапи до постапката и како да го искористи ова право, со нарација на македонски и албански јазик.

Проектот против трговијата со луѓе во Северна Македонија активно ја поддржува Комисијата во напорите да се подигне свеста и да се информираат потенцијалните баратели за нивното право да бараат и да добијат државен надоместок, преку изработување на брошури и летоци на повеќе јазици, кои на едноставен јазик ги објаснуваат критериумите за подобност, постапката и износот што може да се добие како државен надоместок за претрпената неправда. Проектот, исто така, организираше презентации за работата и надлежностите на Комисијата, насочени кон адвокати, невладини организации и државни службеници.

Опсегот на оваа иницијатива е широко информирање на потенцијалните баратели - жртви на кривични дела со насилство - за правото да бараат надомест од државата, и постапката која треба да се следи во овој поглед.

Проектот "Зајакнување на активностите против трговијата со луѓе во МакедонијаЗајакнување на акцијата против трговијата со луѓе во Македонија" е дел од заедничката иницијатива на Европската унија и Советот на Европа "Хоризонтален инструмент за Западен Балкан и Турција”.

 

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - 

 

Horizontal Facility III

The joint European Union and Council of Europe programme “Horizontal Facility for the Western Balkans and Türkiye” (Horizontal Facility III) is a co-operation initiative, running from 2023 until 2026.

The programme covers actions in Albania, Bosnia and Herzegovina, Kosovo*, Montenegro, North Macedonia, Serbia and Türkiye. It enables the Beneficiaries to meet their reform agendas in the fields of human rights, rule of law and democracy and to comply with European standards, which is also a priority for the EU enlargement process.

The third phase of the programme is worth €41 million (85% funded by the European Union, 15% by the Council of Europe).

*Оваа ознака не ги прејудицира ставовите за статусот и истата е во согласност со Резолуцијата на ОНСБ 1244 и Мислењето на МСП за Декларацијата за независност на Косово.