Со цел да се поддржи истражувачкото новинарство во прикажување на стории за трговија со луѓе кои се засновани на факти, се родово сензитивни и ориентирани кон жртвите, од страна на локални новинари и медиумски известувачи од Северна Македонија беа објавени 13 стории. Поддржани од страна на заедничкиот проект на ЕУ и Советот на Европа „Спречување и борба против трговијата со луѓе во Северна Македонија“, оваа иницијатива пружи помош на претставници од локалните медиуми при известување за клучни прашања поврзани со трговијата со луѓе. Медиумските стории беа објавени како преку електронските така и во конвенционалните медиуми, информирајќи ја општата јавност за трговијата со деца, трговијата со цел трудова експлоатација, зголемениот ризик од трговија со луѓе поради КОВИД-19 пандемијата како и опасноста од трговија со луѓе на која се изложени мигрантите.

Повеќето од избраните стории ја истражуваа ранливоста на децата од улица кои се приморани да питачат и се експлоатирани во принудни бракови, како што е сторијата која зборува за Ангел, дете во екстремни сиромашни услови принудено да питачи. Kако резултат на сторијата Ангел доби поддршка од јавните институции за негово враќање во училиште.

Неколку од грантистите се осврнаа на перспективата на жртвите и на родовата перспектива при откриените случаи на трговија со деца со цел сексуална експлоатација. Сториите беа фокусирани на регионите од државата кои се најизложени на трговија со луѓе, како што се Тетово и Гостивар, или пак известуваа за транзитните патишта на бегалците/мигрантите во југоисточниот дел од државата.

Микро-грантовите за медиумите кои беа доделени во рамки на програмата имаа за цел да го поддржат и зајакнат новинарското истражување, известување и споделување на истрагите на полето на трговија со луѓе во Северна Македонија од гледна точка на медиумите. Мултимедијалните и печатените стории беа објавени и емитувани на локалните медиуми, додека за да се постигне поширок опфат беа користени социјалните медиуми со повеќе од 170.000 прегледи, а видео и аудио репортажите беа емитувани во ударен термин од страна на национални / регионални телевизиски и радио станици.

Сториите за трговија со луѓе може да се погледнат и прочитаат на Publications about Combatting Human Trafficking (coe.int)

 A1ON: the lives of children - victims of trafficking

 24Vesti: Expansion of children forced to beg on street

 TetovoInfo: Human trafficking in the Tetovo region - changes and challenges over the past decades

 MIA: Increase in human trafficking in conditions of pandemic, social networks a new form of recruitment

 Radio Pela: The vicious circle of children's marriages - a thin line between tradition and human trafficking 

 Nezavisen vesnik: "Two grown men gave money to my father," he said, "he married me."

 Kanal VIS - The Balkan refugee route transits through Mount Belasica

 Nova Makedonija - The corona crisis has deepened the problem of child trafficking

 Nova TV - outside of the system - in the magic circle (research story)

 Nezavisen - Elena's closed circle, the most dramatic case of child trafficking

 Svedok - Covid - 19 crises changes the course and forms of human trafficking in North Macedonia

 Globi - Economic emigrants entagled in the web of labor explotation

 MRT 4:"From dusk till dawn they beg at the crossroads and dream of better tomorrow"

Проектот “Спречување и борба против трговијата со луѓе во Северна Македонија” е дел од заедничката програма на Европската Унија и Советот на Европа „Хоризонтален инструмент за Западен Балкан и Турција II“со цел да им се помогне на корисниците во Југоисточна Европа да се усогласат со стандардите на Советот на Европа и со правото на ЕУ во рамките на процесот на проширување.