Puna në këtë fushë përqëndrohet në promovimin e lirisë së shprehjes dhe lirisë së medias në përputhje me standardet evropiane. Synon profesionistët në fushën e ligjit (gjykatës, prokurorë, avokatë), autoritetet policore, Autoritetet Rregulluese të Medias dhe organet qeverisëse të ngarkuara për legjislacionin në fushën e medias dhe çështjeve që lidhen me gazetarinë, si dhe aktorët mediatik (gazetarë, shoqata të gazetarëve,  organet vet-rregulluese, studentë të gazetarisë dhe juridikut si dhe organizata të tjera të medias).  

Back Shqipëria intensifikon përpjekjet për të përmbushur standardet evropiane për median dhe shërbimet dixhitale

Tiranë, Shqipëri 4 mars 2026
  • Diminuer la taille du texte
  • Augmenter la taille du texte
  • Imprimer la page
  • Imprimer en PDF
Shqipëria intensifikon përpjekjet për të përmbushur standardet evropiane për median dhe shërbimet dixhitale

Teksa Shqipëria përparon me përafrimin e kuadrit ligjor me standardet evropiane, përfshirë Aktin për Shërbimet Dixhitale (DSA), përfaqësues të Këshillit të Evropës, Bashkimit Evropian dhe Autoritetit të Mediave Audiovizive të Shqipërisë (AMA) u mblodhën në Tiranë për të diskutuar dispozita thelbësore mbi transparencën, mbrojtjen e përdoruesve dhe mbikëqyrjen rregullatore.

Aktiviteti u organizua në vijim të tryezës së rrumbullakët të organizuar më herët këtë vit. Në aktivitet u prezantua një analizë krahasuese e Këshillit të Evropës e cila identifikon boshllëqet rregullatore dhe jep rekomandime për ndërhyrje të synuara me qëllim pajtueshmërinë e plotë me acquis evropiane. Temat kryesore përfshinë përgjegjësinë e platformave, kërkesat për raportim dhe bashkëpunimin me autoritetet publike.

Gjatë diskutimeve pjesëmarrësit theksuan rëndësinë e transpozimit efektiv të dispozitave të DSA-së në kuadrin ligjor shqiptar në kontekstin e reformave të vazhdueshme për sektorin e medias, si dhe përpjekjeve më të gjera të Shqipërisë për të harmonizuar legjislacionin me standardet evropiane. Në përfundim të takimit, pjesëmarrësit dakordësuan një udhërrëfyes mbi hapat e radhës për të përparuar pajtueshmërinë rregullatore me standardet evropiane. Këto përfshijnë: vendosjen e procedurave të thjeshta për raportimin dhe heqjen e përmbajtjes së paligjshme (notice-and-action), mandatimin e sistemeve të brendshme të trajtimit të ankesave për platformat online dhe forcimin e mbrojtjes për të miturit.

Akti për Shërbimet Dixhitale (DSA) vendos rregulla për shërbimet online që përdoren nga qytetarët evropianë në jetën e tyre të përditshme, përfshirë tregjet online, rrjetet sociale, dyqanet e aplikacioneve, dhe platformat për udhëtime apo akomodim online. DSA ndihmon për të bërë mjedisin online të sigurt dhe të besueshëm.

Ky aktivitet u organizua nga Divizioni për Bashkëpunim për Lirinë e Shprehjes, në kuadër të projektit të përbashkët të Bashkimit Europian dhe Këshillit të Europës Mbrojtja e Lirisë së Shprehjes dhe e Medias në Shqipëri (PROFREX-A), si pjesë e programit të përbashkët të Bashkimit Evropian dhe Këshillit të Evropës Instrumenti Horizontal për Ballkanin Perëndimor dhe Turqinë.

 

 

 

Veprimet nën Temën IV: Liria e shprehjes
  • Liria e Shprehjes dhe Liria e Medias në Shqipëri - JUFREX 2
  • Liria e Shprehjes dhe Liria e Medias në Bosnjë Herzegovinë - JUFREX 2 
  • Liria e Shprehjes dhe Liria e Medias në Kosovë* - JUFREX 2 
  • Liria e Shprehjes dhe Liria e Medias në Malin e Zi - JUFREX 2 
  • Liria e Shprehjes dhe Liria e Medias në Serbi- JUFREX 2 
  • Liria e Shprehjes dhe Liria e Medias në Maqedoninë e Veriut 
  • Liria e Shprehjes dhe Liria e Medias në Evropën Juglindore - JUFREX 2 

* Ky përkufizim është pa paragjykim ndaj qëndrimeve për statusin, dhe është në përputhje me Rezolutën e Këshillit të Sigurimit të Kombeve të Bashkuara 1244/1999 dhe Opinionin e GJND-së mbi shpalljen e pavarësisë së Kosovës.