Puna në këtë fushë tematike do të fokusohet tek burgjet e policia (përfshirë të drejtat e njeriut në policim, kujdesi shëndetësor në burgje dhe suguri kundër torturës dhe keq-trajtimit), efikasitetin e sistemeve të drejtësisë (me fokus në analizilimin e statistikave gjyqësore për të rregulluar adminimistrimin e gjykatave), dhe/ose bashkëpunimi legal (i cili do të përqëndrohet rritjen e pavarësisë individuale të gjykatësve dhe prokurorëve si dhe përgjegjshmërinë e sistemit juridik).

Back Modernizimi i Sistemit të Prokurorisë në Kosovë: Mjetet Digjitale për një Drejtësi më të Fuqishme

Prishtinë 25 qershor 2026
  • Diminuer la taille du texte
  • Augmenter la taille du texte
  • Imprimer la page
  • Imprimer en PDF
Modernizimi i Sistemit të Prokurorisë në Kosovë: Mjetet Digjitale për një Drejtësi më të Fuqishme

Petrit Kryeziu, Kryeprokuror i Prokurorisë Themelore në Prizren, përdor Sistemin Informativ për Menaxhimin e Lëndëve (CMIS) për të menaxhuar lëndët e tij dhe për të gjeneruar shabllonet e vendimeve të reja. Këto shabllone vendimesh, të integruara së fundmi në sistemin e drejtësisë në Kosovë*, thjeshtojnë dhe përmirësojnë rrjedhën e punës së prokurorive në të gjithë vendin. Të zhvilluara me mbështetjen e Komisionit Evropian për Efikasitetin e Drejtësisë (CEPEJ), këto shabllone të përditësuara zëvendësojnë formularët e mëparshëm, duke siguruar më shumë konsistencë dhe relevancë në dokumentacionin dhe detyrat e përditshme.

Mjetet e reja po e ndihmojnë Petritin dhe prokurorët në të gjithë Kosovën të menaxhojnë lëndët në mënyrë më efikase, të përmirësojnë komunikimin brenda zyrave të tyre dhe të forcojnë cilësinë e përgjithshme të proceseve gjyqësore. “Shabllonet kanë ndikuar drejtpërdrejt në lehtësimin dhe përshpejtimin e hartimit të akteve procedurale, në rritjen e saktësisë dhe shmangien e gabimeve. Kontributi i tyre në unifikimin e dokumenteve zyrtare është i pazëvendësueshëm”, shprehet Kryeziu.

Nisma filloi me një mision ekspertësh të CEPEJ-it në mars të vitit 2025, pas konsultimeve me profesionistët e drejtësisë në Kosovë, të cilët identifikuan nevojën për përditësimin e mjeteve të përdorura në sistemin e drejtësisë. Në qershor 2025, në Prishtinë u organizua një takim pune me mbështetjen e CEPEJ, kushtuar hartimit të këtyre shablloneve. Më pas, mjetet u pilotuan në Prokurorinë Themelore në Prizren. Pas pilotimit të suksesshëm, shabllonet u pranuan nga sektori i prokurorisë në Kosovë dhe u shpërndanë në të gjitha prokuroritë, duke u bërë tashmë të qasshme për çdo prokuror.

“Kur filluam t’i përdornim në punën tonë të përditshme, e kuptuam menjëherë sa të dobishme ishin. Tani mund të themi se zbatimi ka qenë i suksesshëm dhe këto mjete kanë pasur një ndikim të drejtpërdrejtë pozitiv në punën e përditshme të prokurorëve”, thekson Kryeziu.

Rezultatet deri më tani janë shumë inkurajuese: deri në maj 2026, këto shabllone janë përdorur mbi 4,000 herë nga 186 prokurorë, vetëm pak muaj pas zbatimit të tyre në të gjithë sistemin e prokurorisë në Kosovë. Ekspertët ligjorë dhe praktikuesit e drejtësisë theksojnë se shabllonet e përditësuara mundësojnë përpunimin automatik të të dhënave të futura në sistem, duke zvogëluar rrezikun e gabimeve ose dyfishimeve dhe duke përmirësuar saktësinë e informacionit.

Pranimi i këtyre shablloneve të reja përfaqëson një përmirësim praktik në funksionimin e prokurorive në Kosovë. Duke rritur efikasitetin dhe duke siguruar dokumentacion të besueshëm, sistemi i drejtësisë mund t’u ofrojë qytetarëve një qasje më transparente, më të standardizuar dhe më të qëndrueshme në ndërveprimin e tyre me autoritetet ligjore.

Kjo nismë u mbështet nga veprimi i përbashkët i Bashkimit Evropian dhe Këshillit të Evropës “Forcimi i cilësisë dhe efikasitetit të drejtësisë në Kosovë (KoSEJ III)”, i cili është pjesë e programit “Instrumenti Horizontal”.

Veprimet në kuadër të Temës I: Sigurimi i drejtësisë
  • Forcimi i Cilësisë dhe Efikasitetit të Drejtësisë në Shqipëri (SEJ III)
  • Mbështetje për zbatimin e vendimeve gjyqësore dhe për lehtësimin e ekzekutimit të vendimeve të GJEDNj në Shqipëri (D-REX II)
  • Forcimi i Mbrojtjes së të Drejtave të Njeriut të të Burgosurve në Shqipëri
  • Forcimi i të trajtimit të të drejtave të njeriut për personat e dënuar bazuar në standardet evropiane dhe

        praktikat më të mira në Bosnjë Herzegovinë 

  • Forcimi i Cilësisë dhe Efikasitetit të Drejtësisë në Kosovë* (KOSEJ II)  
  • Përgjegjshmëria e sistemit gjyqësor - Faza II (2019-2022) 
  • Përmirësimi i procedurave mbrojtëse në procedimet në Malin e Zi 
  • Forcimi i Mëtejshëm i Mbrojtjes së të Drejtave të Njeriut të Burgosurve në Malin e Zi  
  • Forcimi i pavarësisë dhe përgjegjshmërisë së gjyqësorit në Serbi 
  • Forcimi i masave efektive legale ndaj shkeljeve të të drejtave të njeriut në Serbi  
  • Forcimi i mbrojtjes së të drejtave të njeriut për personat e dënuar në Serbi  
  • Mbështetje për qasje cilësore në shërbimet e Ndihmës Ligjore Falas në Maqedoninë e Veriut 
  • Ngritja e kapaciteteve të sistemit penitenciar dhe mekanizmat e mbikëqyrjes së jashtme në

        Maqedoninë e Veriut 

  • Mbështetje për Zbatimin dhe Raportimin mbi Plan Veprimin e të Drejtave të Njeriut në Turqi 
  • Institutet e trajnimit në gjyqësor për Cilësi dhe Qëndrueshmëri (JA-NET) 
  • Iniciativa për siguri legale në Ballkanin Perëndimor
  • Ngritja e kapaciteteve të sistemit penitenciar në adresimin e radikalizimit në burgjet e

        Ballkanit Perëndimor 

  • Drejt një vlerësimi më të mirë të rezultateve të përpjekjeve për reformën në drejtësi në

        Ballkanin Perëndimor 

  • HELP në Ballkanin Perëndimor 
  • PACE - Bashkëpunimi me Parlamentet e Shqipërisë, Bosnjë Herzegovinës, Maqedonisë së Veriut dhe

        Serbisë, me fokus arritjen e përmirësimeve legjislative 

* Ky përkufizim është pa paragjykim ndaj qëndrimeve për statusin, dhe është në përputhje me Rezolutën e Këshillit të Sigurimit të Kombeve të Bashkuara 1244/1999 dhe Opinionin e GJND-së mbi shpalljen e pavarësisë së Kosovës.