Нацрт техничкиот документ за усогласување на законодавството за укажувачи со важечките меѓународни стандарди, беше презентиран и дискутиран преку видео конференција, со клучни претставници од Државната комисија за спречување на корупцијата, Министерството за правда, експертот ангажиран од страна на Советот на Европа, како и претставници Секретаријатот на Советот на Европа. Документот беше подготвен во рамките на Проектот против економски криминал во Република Северна Македонија, кој е дел од иницијатива за соработка на Европската унија и Советот на Европа и во рамките на Хоризонталната програма за Западен Балкан и Турција, и истиот нуди компаративна анализа на законодавството за укажувачи наспроти меѓународните стандарди и дава клучни препораки за подобрување. За време на дискусијата учесниците имаа можност да споделат важни повратни информации и коментари со цел подобро прилагодување на препораките кон контекстот на земјата и потребите за реформи.
Добиените повратни информации ќе бидат одразени во техничкиот документ и ќе бидат понатаму дискутирани со пошироката јавност за време на работилницата која се очекува да се одржи во јуни 2020 година.
Иницијативата за соработка на Европската унија и Советот на Европа, Проект против економски криминал во Република Северна Македонија, има за цел да ги поддржи клучните корисници и засегнати страни во понатамошното усогласување на националното законодавство со меѓународните стандарди, особено со Council of Europe Recommendation CM/Rec (2014)7 и најновата EU Directive за заштита на укажувачите и најдобрите практики.
За време на средбата беше разговарано и со претставничката од Министерство за правда за развојот на идното Упатство за проценка на влијанието на регулативата на предложените измени во законодавството за укажувачи.