Më 8 korrik 2020 në formatin on-line u mbajt takimi i tretë i Këshillit Drejtues i projektit “Rritja e kapaciteteve të sistemit penitenciar dhe mekanizmit të mbikëqyrjes së jashtme në Maqedoninë e Veriut”.

Gjatë këtij takimi u prezantuan rezultatet e arritura në gjysmën e parë të vitit 2020, së bashku me masat emergjente për adresimin e sfidave të shkaktuara nga epidemia Covid-19. Ato u vlerësuan nga Drejtori i Drejtorisë për Ekzekutimin e Sanksioneve, si dhe nga përfaqësuesit e Ministrisë së Shëndetësisë. Pjesëmarrësit u informuan për zbatimin e të gjitha aktiviteteve të parapara me planin e adaptuar, falë dedikimit dhe përkushtimit të stafit të institucioneve përfituese. Përfaqësuesi i Ministrisë së Punëve të Jashtme, në cilësinë e koordinatorit për Projektin Horizontal, e theksoi mbështetjen e këtij projekti shumë të rëndësishëm për Maqedoninë e Veriut.

Anëtarët e Këshillit Drejtues e miratuan planin e punës për gjashtë muajt e ardhshëm dhe kishin diskutim produktiv për aktivitetet e planifikuara. Anëtarët e Këshillit u pajtuan rreth hapave dhe masave të ardhshme, pas diskutimit mbi sfidat me të cilat ballafaqohet operacionalizimi i Kontrollit të mbikëqyrjes së jashtme për policinë. Koordinatori nacional për luftimin e ekstremizmit të dhunshëm i vlerësoi të arriturat e projektit në fushën e shkyçjes të të dënuarve të dhunshëm dhe luftëtarëve të huaj.

Projekti “Rritja e kapaciteteve të sistemit penitenciar dhe mekanizmit të mbikëqyrjes së jashtme në Maqedoninë e Veriut” është pjesë e programit të përbashkët të Bashkimit Evropian dhe Këshillit të Evropës “Instrumenti Horizontal për Ballkanin Perëndimor dhe Turqinë 2019-2022”, që zbatohet nga Këshilli i Evropës.