Puna në këtë fushë tematike fokusohet tek burgjet dhe policia (duke përfshirë të drejtat e njeriut në policim, kujdesi shëndetësor në burgje dhe masat mbrojtëse kundër torturës dhe keqtrajtimit), standardet e të drejtave të njeriut në gjyqësor (duke u fokusuar në përmirësimin e zbatimit të praktikës gjyqësore të Gjykatës Evropiane për të Drejtat e Njeriut), çështjet e migracionit, efikasiteti i sistemeve të drejtësisë (me fokus në analizimin e statistikave gjyqësore për të optimizuar administratat e gjykatave) dhe/ose bashkëpunimi ligjor (i cili përqendrohet në rritjen e pavarësisë individuale të gjyqtarëve dhe prokurorëve dhe llogaridhënies së sistemit gjyqësor).

Back Mbështetje për Akademinë e Drejtësë së Kosovës* në procesin e përmirësimit të efikasitetit në gjykata nëpërmjet sondazhit të parë online

Mbështetje për Akademinë e Drejtësë së Kosovës* në procesin e përmirësimit të efikasitetit në gjykata nëpërmjet sondazhit të parë online

Sondazhi i parë online mbi efiçencën e gjykatësve, kryetarëve të gjykatave dhe stafit të gjykatave, është gati pas bashkëpunimit dhe konsultimeve të ngushta me drejtuesit e programeve të trajnimit në Akademinë e Drejtësisë së Kosovës* dhe projektit të përbashkët të Bashkimit Evropian dhe Këshillit të Evropës “Forcimi i cilësisë dhe efikasitetit të drejtësisë në Kosovë” (KoSEJII). Sondazhi ka si qëllim të nxisë pjesmarrjen dhe të përmirësojë mënyrën e mbledhjes së të dhënave në systemin e drejtësisë në Kosovë. Do të ndahet nëpërmjet postës elektronike në përputhje me qasjen e re të Akademisë për realizimin e Vlerësimeve të Nevojave për Trajnim. Përgjigjet gjithashtu do të analizohen në mënyrë më efikase duke përdorur bazën e të dhënave të pyetësorit. 

Gjatë diskutimeve doli në pah se Akademia është e gatshme të transferojë realizimin e pyetësorëve nga letra, në sistemin online, pasi kjo do të rrisë ndjeshëm cilësinë e programeve të trajnimit. Nëpërmjet mbështetjes së programit Instrumenti Horizontal II, Akademia pritet të përmirësojë kurikulën e saj duke përfshirë instrumentet dhe indikatorët e performancës së gjykatave të Komisionit Evropian për Efikasitetin në Drejtësi (CEPEJ). 

Ky aktivitet u zbatua në kuadër të programit të përbashkët të BE dhe Këshilli të Evropës “Instrumenti Horizontal për Ballkanin Perëndimor dhe Turqinë” – Projekti “Forcimi i Cilësisë dhe Efikasitetit të Drejtësisë në Kosovë”, zbatuar nga Këshilli i Evropës. 

 

 

 

* Ky përcaktim nuk përbën asnjë paragjykim për qëndrimin në lidhje me statusin dhe është në përputhje me Rezolutën 1244 të Këshillit të Sigurisë të OKB-së dhe me Opinionin e Gjykatës Ndërkombëtare të Drejtësisë për Shpalljen e Pavarësisë së Kosovës.
 

Prishtinë 17 Shtator 2020
  • Diminuer la taille du texte
  • Augmenter la taille du texte
  • Imprimer la page

* Ky përkufizim është pa paragjykim ndaj qëndrimeve për statusin, dhe është në përputhje me Rezolutën e Këshillit të Sigurimit të Kombeve të Bashkuara 1244/1999 dhe Opinionin e GJND-së mbi shpalljen e pavarësisë së Kosovës.