Puna në këtë fushë tematike fokusohet tek burgjet dhe policia (duke përfshirë të drejtat e njeriut në policim, kujdesi shëndetësor në burgje dhe masat mbrojtëse kundër torturës dhe keqtrajtimit), standardet e të drejtave të njeriut në gjyqësor (duke u fokusuar në përmirësimin e zbatimit të praktikës gjyqësore të Gjykatës Evropiane për të Drejtat e Njeriut), çështjet e migracionit, efikasiteti i sistemeve të drejtësisë (me fokus në analizimin e statistikave gjyqësore për të optimizuar administratat e gjykatave) dhe/ose bashkëpunimi ligjor (i cili përqendrohet në rritjen e pavarësisë individuale të gjyqtarëve dhe prokurorëve dhe llogaridhënies së sistemit gjyqësor).

Back 'Siguria Dinamike' si parakusht për shqyrtimin dhe vlerësimin e duhur të të burgosurve ekstremistë të dhunshëm

'Siguria Dinamike' si parakusht për shqyrtimin dhe vlerësimin e duhur të të burgosurve ekstremistë të dhunshëm

Sesioni i tretë rajonal i grupit të punës për shqyrtimin, vlerësimin e rrezikut dhe nevojave (ARN) kur bëhet fjalë për të burgosurit ekstremistë të dhunshëm (VEP) dhe të burgosurit e radikalizuar në Ballkanin Perëndimor, u zhvillua online në periudhën 1-3 Dhjetor 2020. Takimi u ndoq nga profesionistë të sektorit të burgjeve dhe synoi të trajtojë gjithashtu praktikat e alokimit në lidhje me të burgosurit e radikalizuar në Ballkanin Perëndimor.

Diskutimi u përqendrua rreth parakushteve, sfidave dhe burimeve për zbatimin e duhur të instrumenteve specifike të shqyrtimit dhe ARN të VEP dhe se si koncepti i ’Sigurisë Dinamike’mund të lehtësojë më mirë përdorimin e tyre brenda kontekstit të burgut. Gjatë takimit u diskutua se ky koncept duhet të përmirësohet më tej duke zhvilluar politika dhe procedura të përshtatshme dhe duke kryer trajnimin e stafit, kështu që mund të zbatohet më mirë në mbështetje të shqyrtimit të VEP, vlerësimit dhe shpërndarjes së nevojave të identifikuara. Si rezultat i takimit, do të zhvillohet një studim pasues me rekomandime konkrete, duke marrë parasysh nevojat specifike të secilit Përfitues dhe burimet në dispozicion.

Sesioni u organizua në formën e diskutimeve dypalëshe midis konsulentëve të Këshillit të Evropës dhe profesionistëve multisektorë që vijnë nga rajoni i Ballkanit Perëndimor.

Aktiviteti u zbatua në kuadër të veprimit rajonal "Rritja e kapaciteteve penitenciare në adresimin e radikalizimit në burgjet në Ballkanin Perëndimor" i bashkëfinancuar nga Bashkimi Evropian dhe Këshilli i Evropës në kuadër të "Instrumentit Horizontal për Ballkanin Perëndimor dhe Turqinë 2019-2022 ” dhe zbatuar nga Këshilli i Evropës.

 

 

 

Ballkani Perëndimor 1-3 Dhjetor 2020
  • Diminuer la taille du texte
  • Augmenter la taille du texte
  • Imprimer la page

* Ky përkufizim është pa paragjykim ndaj qëndrimeve për statusin, dhe është në përputhje me Rezolutën e Këshillit të Sigurimit të Kombeve të Bashkuara 1244/1999 dhe Opinionin e GJND-së mbi shpalljen e pavarësisë së Kosovës.