Back Shërbimi Penitenciar Shqiptar do të pilotojë Terapinë Konjitive të Sjelljes në katër IEVP

Tiranë, Shqipëri 28-29 janar 2026
  • Diminuer la taille du texte
  • Augmenter la taille du texte
  • Imprimer la page
  • Imprimer en PDF
Shërbimi Penitenciar Shqiptar do të pilotojë Terapinë Konjitive të Sjelljes në katër IEVP

Bashkimi Evropian dhe Këshilli i Evropës po asistojnë Shërbimin e Penitenciar Shqiptar në prezantimin e një programi të Terapisë Konjitive të Sjelljes (CBT), me qëllim përgatitjen më të mirë të të dënuarve për lirimin.

Një aktivitet vijues për ndërtimin e kapaciteteve u zhvillua në Tiranë më 28–29 Janar, duke mbledhur profesionistë nga fusha penitenciare në kuadër të përgatitjeve për prezantimin e metodologjisë së pilotimit të përshtatur të CBT-së. Psikologë nga institucionet e ekzekutimit të vendimeve penale (IEVP) të Fierit dhe Fushë-Krujës, të cilët testuan programin në vitin 2024, ndanë përvojat dhe praktikat e mira me kolegë nga IEVP të tjera ku programi do të pilotohet.

CBT zbatohet përmes një serie seancash, gjatë të cilave terapisti ndihmon individin të identifikojë dhe të sfidojë modelet negative të të menduarit, të mësojë të njohë shtrembërimet në të menduar që krijojnë probleme, si dhe të kuptojë sjelljen dhe motivimin e të tjerëve.

Reagimet fillestare kanë qenë pozitive, pa asnjë rezistencë të raportuar nga të dënuarit në IEVP-të e Fierit apo të Fushë-Krujës. Ky aktivitet pason trajnimin e zhvilluar në vitin 2024 mbi prezantimin e programit CBT për stafin penitenciar Shqiptar. Dy IEVP të tjera do të përzgjidhen nga Drejtoria e Përgjithshme e Burgjeve për të vijuar pilotimin e programit. Deri në shkurt 2026, CBT pritet të zbatohet në katër IEVP në Shqipëri, duke përfshirë deri në 60 të dënuar.

Pjesëmarrësit përfshinë profesionistë nga IEVP-të e Fierit, Vlorës, Lezhës dhe Fushë-Krujës, si dhe përfaqësues të përzgjedhur nga Drejtoria e Përgjithshme e Burgjeve, të cilët do të ofrojnë mbështetje dhe këshillim në terren për të garantuar qëndrueshmërinë e programit.

Trajnimi u zhvillua në kuadër të programit të përbashkët të Bashkimit Evropian dhe Këshillit të Evropës Instrumenti Horizontal për Ballkanin Perëndimor dhe Turqinë, dhe të projektit Forcimi i mbrojtjes së të drejtave të njeriut të personave të dënuar në Shqipëri.​​​​​

 

Puna në këtë fushë tematike fokusohet tek burgjet dhe policia (duke përfshirë të drejtat e njeriut në policim, kujdesi shëndetësor në burgje dhe masat mbrojtëse kundër torturës dhe keqtrajtimit), standardet e të drejtave të njeriut në gjyqësor (duke u fokusuar në përmirësimin e zbatimit të praktikës gjyqësore të Gjykatës Evropiane për të Drejtat e Njeriut), çështjet e migracionit, efikasiteti i sistemeve të drejtësisë (me fokus në analizimin e statistikave gjyqësore për të optimizuar administratat e gjykatave) dhe/ose bashkëpunimi ligjor (i cili përqendrohet në rritjen e pavarësisë individuale të gjyqtarëve dhe prokurorëve dhe llogaridhënies së sistemit gjyqësor).

* Ky përkufizim është pa paragjykim ndaj qëndrimeve për statusin, dhe është në përputhje me Rezolutën e Këshillit të Sigurimit të Kombeve të Bashkuara 1244/1999 dhe Opinionin e GJND-së mbi shpalljen e pavarësisë së Kosovës.