Bashkimi Evropian dhe Këshilli i Evropës po ndihmojnë në përmirësimin e trajtimit të të dënuarve me çrregullime të shëndetit mendor dhe të pacientëve mjeko-ligjorë duke rritur njohuritë profesionale të stafit penitenciar për menaxhimin e kësaj kategorie vulnerabël të të dënuarve.

Një trajnim dy ditor u zhvillua në Lezhë në datat 22-23 Nëntor 2023, duke mbledhur 25 profesionistë që përfaqësonin si policinë penitenciare ashtu edhe stafin psiko-social të shërbimit penitenciar Shqiptar. Trajnimi u fokusua në veçoritë e menaxhimit të të dënuarve me çrregullime të shëndetit mendor dhe pacientëve forensikë, duke mbuluar tema të rëndësishme si identifikimi, shenjat e çrregullimeve të shëndetit mendor, reagimi në rastin e vetëlëndimit, llojet dhe simptomat e çrregullimeve mendore etj. Stafi u njoh me standardet dhe praktikat e mira të Këshillit të Evropës për reagimin ndaj incidenteve që përfshijnë të dënuar me çrregullime të shëndetit mendor.

Trajnimi u zhvillua në kuadrin e programit të përbashkët të Bashkimit Evropian dhe Këshillit të Evropës “ Instrumenti Horizontal për Ballkanin Perëndimor dhe Turqinë – Faza III ” , dhe në veçanti Projekti “ Forcimi i mbrojtjes së të drejtave të njeriut të personave të dënuar në Shqipëri ”