Back Përfaqësuesit e institucioneve gjyqësore rikonfirmojnë angazhimin e tyre për të forcuar efikasitetin dhe cilësinë e drejtësisë në Shqipëri

Përfaqësuesit e institucioneve gjyqësore rikonfirmojnë angazhimin e tyre për të forcuar efikasitetin dhe cilësinë e drejtësisë në Shqipëri

Anëtarët e Komitetit Drejtues të projektit të përbashkët Bashkimit Evropian dhe Këshillit të Evropës "Forcimi i cilësisë dhe efikasitetit të drejtësisë në Shqipëri - SEJ III" diskutuan mbi ecurinë e aktiviteteve për semestrin e fundit dhe planet në vazhdim. Përfaqësuesit e institucioneve kryesore të drejtësisë theksuan nevojën për forcimin e administratës dhe kapaciteteve gjyqësore në adresimin e sfidave të reformës në drejtësi.

Anëtarët e Komitetit Drejtues morën parasysh rezultatet e arritura dhe vunë theksin në komentet e tyre mbi rëndësinë e vazhdimit të mbështetjes me masa konkrete dhe mjete unike të Komisionit Evropian për Efikasitetin e Drejtësisë (CEPEJ) në fushat prioritare siç është harta e re gjyqësore, metodologjia e unifikuar për mbledhjen e statistikave gjyqësore, mbështetja për trajnimin e vazhdueshëm të Shkollës së Magjistraturës dhe u pajtuan për veprimet e rëndësishme të propozuara dhe modalitetet e zbatimit të lidhura me to.

Përveç kësaj, ata mbështetën qasjet inovative dhe zgjidhjet e IT-së në zbatim nga Aksioni veçanërisht në krijimin e sistemit të kënaqësisë së përdoruesve të gjykatës, pilotimin e platformës së njoftimeve online në Gjykatën e Rrethit Tiranë dhe krijimin e një platforme të Menaxhimit të Burimeve Njerëzore për stafin jo-gjyqësor në gjykatat shqiptare.

Projekti mbi "Përforcimin e Efikasitetit dhe Cilësisë së Sistemit të Drejtësisë në Shqipëri – SEJ III", është pjesë e programit "Instrumenti Horizontal për Ballkanin Perëndimor dhe Turqinë 2019-2022", një nismë bashkëpunimi mes Bashkimit Evropian dhe Këshillit të Evropës i cili synon t'iu mundësojë përfituesve zbatimin e axhendave të reformave në fushat e të drejtave të njeriut, sundimit të ligjit dhe demokracisë në përputhje me standardet evropiane.

Tiranë 24 Shtator 2021
  • Diminuer la taille du texte
  • Augmenter la taille du texte
  • Imprimer la page

Programi i përbashkët i Bashkimit Evropian dhe i Këshillit të Evropës "Instrumenti Horizontal për Ballkanin Perëndimor dhe Turqinë" (Instrumenti Horizontal III) është një nismë bashkëpunimi e cila zgjat nga viti 2023 deri në vitin 2026.

Programi mbulon projekte në Shqipëri, Bosnjë dhe Hercegovinë, Kosovë*, Mal të Zi, Maqedoninë e Veriut, Serbi dhe Turqi. Ai u mundëson përfituesve të përmbushin axhendat e tyre të reformave në fushat e të drejtave të njeriut, sundimit të ligjit dhe demokracisë si dhe të jenë në përputhje me standardet evropiane, që është gjithashtu një prioritet në procesin e zgjerimit të BE-së.

Faza e tretë e programit kap vlerën prej 41 milionë euro (85% financohet nga Bashkimi Evropian, 15% nga Këshilli i Evropës).

Kjo faqe interneti u prodhua me mbështetjen financiare të Bashkimit Evropian dhe të Këshillit të Evropës. Përmbajtja e saj është përgjegjësi vetëm e autorit(ve). Pikëpamjet e shprehura këtu nuk mund të konsiderohen në asnjë mënyrë se pasqyrojnë opinionin zyrtar të Bashkimit Evropian apo të Këshillit të Evropës.

* Ky përkufizim është pa paragjykim ndaj qëndrimeve për statusin, dhe është në përputhje me Rezolutën e Këshillit të Sigurimit të Kombeve të Bashkuara 1244/1999 dhe Opinionin e GJND-së mbi shpalljen e pavarësisë së Kosovës.