Joint Programme

Horizontal Facility

Një nga pengesat kryesore mbi zbatimin me efektshmëri të detyrimeve të Konvetës Evropiane për të Drejtat e Njeriut në nivel kombëtar, është mungesa e interpretimit të harmonizuar të jurisprudencës së Gjykatës së Strasburgut nga gjykatat kombëtare. Në kuadër të mbështjetjes së vazhdueshme të Këshillit të Evropës ndaj sistemit gjyqësor shqiptar, është organizuar një mision vlerësimi për të ofruar një analizë cilësore dhe sasiore mbi zbatimin e Konventës nga gjykatat shqiptare. Një grup ekspertësh nga Këshilli i Evropës vizituan Shqipërinë ku morrën pjesë në takime të ndryshme dhe konsultime me përfaqësues nga Gjykata e Lartë dhe Gjykata Kushtetuese, këshilli i Lartë Gjyqësor, Shkolla e Magjistraturës dhe Universiteti i Tiranës.

Rezultati final i vlerësimit do të jetë i disponueshëm në Shkurt të vitit 2020 dhe do të ofrojë rekomandime të detajuara dhe konkrete se si të arrijmë një zbatim më koherent të jurisprudencës së Gjykatës së Strasburgut në nivel kombëtar.

Ky vlerësim është pjesë e Projektit “Mbështjetje e mjeteve të brendshme efektive dhe lehtësimi i zbatimit të vendimeve të GjeDNj-së (D-REX)” që po zbatohet në Shqipëri dhe ka si qëllim përmirësimin e kapaciteteve të sistemit gjyqësor për zbatimin e vendimeve të jurisprudencës së KEDNj-së në nivel kombëtar si edhe aftësimin e profesionistëve në fushën e ligjit për të zbatuar me efektshmëri mjetet e lidhura me mos zbatimin e vendimeve nga gjykatat vendase.

Ky projekt është financuar nga Bashkimi Evropian dhe Këshilli i Evropës dhe zbatohet nga Këshilli i Evropës në kuadër të programit “Mbështetja Horizontale për Ballkanin Perëndimor dhe Turqinë 2019-2022”.