Në bashkëpunim me Shkollën e Magjistraturës dhe Dhomën Kombëtare të Ndërmjetësimit të Shqipërisë u organizua sot një seminar ndërgjegjësues për referimin në ndërmjetësim me pjesëmarrjen e 15 magjistratëve nga gjykatat e Shqipërisë, ekspertë kombëtarë dhe ekspertë të CEPEJ.

Aktiviteti, i organizuar me mbështetjen e Bashkimit Evropian dhe të Këshillit të Evropës, përfshiu prezantime dhe diskutime mbi mjetet e CEPEJ-it për ndërmjetësimin, praktikat kombëtare dhe praktikat më të mira evropiane, duke u dhënë pjesëmarrësve mundësinë të rrisin njohuritë e tyre mbi legjislacionin kombëtar në lidhje me ndërmjetësimin në çështjet civile dhe administrative si dhe mbi një gamë të gjerë të praktikave të ndryshme të ndërmjetësimit në Shtetet Anëtare të Këshillit të Evropës.

Aktiviteti u organizua nga projekti “Forcimi i Cilësisë dhe Efikasitetit të Drejtësisë në Shqipëri” (SEJ IV) në kuadrin e programit të përbashkët të Bashkimit Evropian dhe të Këshillit të Evropës Instrumenti Horizontal për Ballkanin Perëndimor dhe Turqinë.