Më 31 tetor 2018 në Prishtinë u organizua një seminar në bashkëpunim me Universitetin e Prishtinës dhe Institutin Ndërkombëtar për Kërkime dhe Veprime për Mashtrim Akademik dhe Plagjiaturë (IRAFPA) lidhur me mashtrimin akademik dhe plagjiaturën.
Aktiviteti u ndoq nga mbi dyzet staf akademik, drejtues të lartë të universitetit dhe studentë. Pjesëmarrësit patën mundësinë të mësojnë për mënyrat për të zbuluar plagjiaturën dhe për të adresuar rastet e sjelljeve të pahijshme akademike nga përfaqësuesit e IRAFPA-s, qendër kryesore për etike dhe anti-plagjiaturë pranë Universitetit të Gjenevës. Përveç kësaj, pjesëmarrësit shfrytëzuan këtë rast për të diskutuar dhe ndarë pikëpamjet dhe shqetësimet e tyre rreth gjendjes aktuale të çështjeve në sistemin arsimor të Kosovës *.
Fjalimet u hapën nga znj. Isabelle Servoz-Gallucci, Shefe e Zyrës së Këshillit të Evropës në Prishtinë, z. Libor Chlad, Zëvendës Shef i Bashkëpunimit, Zyra e Bashkimit Evropian në Kosovë dhe Prof Dr Marjan Dema, Rektor i Universitetit të Prishtinës. Prof Dema gjithashtu dha një pasqyrë të Universitetit të Prishtinës, lidhur me funksionimin e tij, fushat e studimit, arritjet dhe sfidat.
Seminari u organizua në kuadër të projektit "Përforcimi i Integritetit dhe Luftimi i Korrupsionit në Arsimin e Lartë”
dhe njëherësh ishte gjarja e fundit e projektit. Ky projekt implementohet në Kosovë në kuadër të instrumentit Horizontal Facility for Western Balkans and Turkey dhe është i financuar bashkarisht nga Bashkimi Evropian dhe Këshilli i Evropës dhe zbatohet nga Këshilli i Evropës.
* Ky përcaktim është pa paragjykim ndaj pozitës mbi statusin dhe është në përputhje me RKSKB 1244 dhe opinionin e GJND-së mbi Deklaratën e Pavarësisë së Kosovës