Татбиқи самараноки Конвенсияҳои тасвибшудаи Шӯрои Аврупо, ҳамчунин, стандартҳои ҳуқуқии аврупоӣ ва байналмилалӣ барои тақвияти ҳимояи ҳуқуқи инсон дар минтақа ва пешрафт барои таъсиси фазои ҳуқуқӣ аҳамияти аввалиндараҷа дорад. Ҳамин тариқ, мақсади асосии ин қисмат аз беҳтаргардонии дониш ва малакаи коршиносони соҳаи адлияи Осиёи Марказӣ дар соҳаи масоили ҳуқуқи инсон ва таъмини татбиқи принсипҳои ҳуқуқи инсон дар фаъолияти њарруза иборат мебошад. Барои расидан ба ин мақсад Барномаи аврупоии маориф дар соҳаи ҳуқуқи инсон барои коршиносони соҳаи ҳуқуқ (HELP) пурра истифода бурда мешавад, ки он платформаи асосии маорифи Шӯрои Аврупо барои коршиносони соҳаи ҳуқуқ буда, омўзиши Конвенсияҳои Шӯрои Аврупоро дар бар мегирад. Дар чаҳорчӯбаи Нақшаи чорабиниҳо, шумораи муайяни судяҳо, прокурорҳо ва ҳуқуқшиносон аз Осиёи Марказӣ вобаста ба интихоби курсҳои HELP, ки ба талаботи қонунгузории миллӣ мутобиқ ва ба забонҳои миллӣ тарҷума шудаанд, ба омӯзиш фаро гирифта мешаванд.