Еуропа Кеңесінің ратификацияланған конвенцияларын, сондай-ақ басқа да еуропалық және халықаралық құқықтық стандарттарды пәрменді түрде жүзеге асырудың аймақта адам құқықтарын қорғауды күшейту және ортақ құқықтық кеңістік құруға ықпалдасу үшін бірінші кезектегі мәні бар. Сөйтіп, бұл құрамдастың басты мақсаты Орталық Азиядағы адам құқықтары саласындағы әділет ісі мамандарының білімі мен машықтарын жақсарту және олардың күнделікті жұмысында адам құқықтары қағидаттарының қолданылуын қамтамасыз ету болып табылады. Осы мақсатқа жету үшін Еуропа Кеңесінің түрлі конвенцияларын қамтитын, Еуропа Кеңесінің заңгерлерге арналған негізгі білім беру платформасы – Заңгерлерге адам құқықтары саласында еуропалық білім беру бағдарламасы (HELP) толық көлемде пайдаланылатын болады. Осы іс-шара аясында Орталық Азия елдерінен келген судьялар, прокурорлар мен адвокаттардың белгілі бір саны ұлттық құқықтық нормаларға бейімделген және ұлттық тілдерге аударылған HELP курстарын оқиды.

Қосымша ақпарат
ПАЙДАЛЫ СІЛТЕМЕЛЕР
Жаңалықтар

Back Қазақстан Республикасы судьяларының Еуропа Кеңесіне және Адам құқықтары жөніндегі Еуропалық Сотқа жұмыс сапары

Қазақстан Республикасы судьяларының Еуропа Кеңесіне және Адам құқықтары жөніндегі Еуропалық Сотқа жұмыс сапары

2024 жылғы 7-9 ақпанда бірқатар қалалардың және Қазақстан Республикасы Жоғарғы Сотының судьялары, сондай-ақ Сот әкімшілігі мен Әділет министрлігінің өкілдері Еуропа Кеңесінің Страсбургтегі штаб-пәтерінде жұмыс сапарымен болды.

Сапар барысында қазақстандық делегация Еуропа Кеңесінің Еуропалық Судьялардың Консультативтік кеңесі, Сот төрелігінің тиімділігі жөніндегі Еуропалық Комиссиясы, Азаптаулар мен адамгершілікке жатпайтын немесе ар-намысты қорлаудың алдын алу жөніндегі Еуропалық комитет, Еуропа Кеңесінің Парламенттік Ассамблеясы, Адам саудасымен күрес жөніндегі сарапшылар тобы, Сыбайлас жемқорлыққа қарсы мемлекеттер тобы және Құқық арқылы демократия үшін Еуропалық комиссия сияқты Еуропалық Кеңес органдарының жұмысымен тікелей танысты.

Қатысушылар сонымен қатар адам құқықтары жөніндегі Еуропалық соттың сот тәжірибесімен, өтініштерді қарау, шешімдер қабылдау және олардың орындалу тәртібімен жақынырақ танысу мақсатында барды.

8 ақпанда қазақстандық мамандар адам құқықтары саласындағы білім беру ресурстарының кең спектрін ұсынатын заңгер мамандығы үшін адам құқықтарын оқытудың Еуропалық бағдарламасымен (HELP) танысты. HELP курстары судьялардың халықаралық және Еуропалық Кеңес стандарттары туралы білімдерін ілгерілетуге және олардың күнделікті жұмысында осы стандарттарды қолдануға мүмкіндік беруге бағытталған.

Кездесулер барысында екіжақты ынтымақтастықтың басқа да перспективалары, атап айтқанда 2023 жылғы 18 қазанда Еуропа Кеңесі Министрлер комитеті қабылдаған «Қазақстанмен тату көршілік ынтымақтастықтың 2024-2027 жылдарға арналған басымдықтары» аясында талқыланды.

Іс-шараны Еуропалық Одақ пен Еуропа Кеңесі бірлесіп қаржыландыратын және Еуропа Кеңесі жүзеге асыратын 2020-2024 жылдарға арналған Орталық Азиядағы Заң үстемдігі бағдарламасының HELP Central Asia компоненті ұйымдастырды.

Страсбург, Франция 2024 жылғы 7-9 ақпан
  • Diminuer la taille du texte
  • Augmenter la taille du texte
  • Imprimer la page