Ашықтық және экономикалық қылмысқа қарсы күреске ықпалдасу
Соңғы жылдары Орталық Азия елдері аймақтағы бизнестің күйін жақсарту және баршаның игілігіне тұрақты экономикалық дамуға жәрдемдесу мақсатында сыбайлас жемқорлықтың алдын алуға бағытталған реформаларды жүргізуде. Осы істің мақсаты бүкіл аймақта кәсіпкерлік қызметке арналған жағдайларды жақсартуға және сыбайлас жемқорлыққа қарсы күрес жүйелердің сапасын арттыруға ықпалдасу болып табылады. Іс-шара екі құрамдастан тұрады: 1) Бизнестің тұтастығы және заңнамаға сәйкестігі; 2) Сыбайлас жемқорлыққа, ақшаның ізін жасыруға және активтерді қайтаруға қарсы күрес және активтерді қайтару жүйелері.
Бизнестің көлегейсіздігін, тұтастығын күшейту және кәсіпкерлердің құқықтарын қорғау Орталық Азия аймағы елдерінің басымдықтарының бірі болып табылады. Қазіргі Іс-қимыл жоспарының шеңберінде кәсіпорындардың тым жоғары баға белгілеуіне және бопсалауына қарсы күресетін тетіктерді қалыптастыруға және әлеуетті нығайтуға, әкімшілік кедергілерді азайтуға және кәсіпкерлік секторда талаптарды орындаудың пәрменділігін арттыруға басты назар аударылады. Аймақтық деңгейдегі жұмыстың мақсаты озық тәжірибе алмасудың тиімді тетіктерін құру және кәсіпкерлік секторға кезігетін жалпы аймақтық және шекара аралық сыбайлас жемқорлық қатерлерін барынша анық түсінуге жәрдемдесу болып табылады. Ұлттық деңгейдегі жұмыс туралы айтсақ, онда тиісті елдердің жоғарыда аталған тақырыптық салалардағы нақты басымдықтарына басты назар аударылады және реформаларды жүргізуге арнайы көмек көрсетіледі.
Бұл саладағы жұмыс сыбайлас жемқорлықтың, ақшаның ізін жасырудың және экономикалық қылмыстардың алдын алу мен күресу үшін билік органдарының, соның ішінде құқық қорғау органдарының тетіктері мен әлеуетін жақсартуға, сондай-ақ ақшаның ізін жасыру мен лаңкестікті қаржыландыруға қарсы күрестің ұлттық жүйелерін нығайтуға бағытталады. Бұл құрамдасқа аймақтық ерекшелігі аймақтағы нақты тәуекелдер мен қауіп-қатерге ерекше назар аудара отырып, сыбайлас жемқорлық және экономикалық қылмыс мәселелері бойынша зерттеулер жүргізуді, сондай-ақ құқық қорғау органдарының қызметкерлері мен мемлекеттік қызметшілер үшін аймақтық каскадты оқу бағдарламалары кіреді. Ұлттық ерекшелік реформалардың ұлттық жағдайлары мен процестеріне қарай нақты қажеттіліктер мен мұқтаждықтарды назарға алады.
