Ykdysady jenaýatçylyga garşy göreşmek we aýdyňlygy ýokarlandyrmak
Soňky ýyllaryň dowmynda Merkezi Aziýanyň ýurtlary sebitdäki iş gurşawyny kämilleşdirmek we hemmeleriň peýdasyna durnukly ykdysady ösüşi öňe sürmek maksady bilen korrupsiýa amallarynyň öňüni almak we jezalandyrmak üçin düzülen özgertmeler geçirdi. Häzirki çäreler, kärhanalar üçin şertleri gowulandyrmaga we sebitde korrupsiýa garşy göreşmek ulgamlaryň hilini ýokarlandyrmaga goşant goşmagy maksat edinýär. Çäre iki komponentden ybarat: 1) Işewürligiň bitewiligi we berjaý edilmegi; 2) Korrupsiýa garşy göreşmek, jenaýatçylykly ýol bilen alynýan girdejilere garşy göreşmek we aktiwleri dikeltmek ulgamlary.
Aýdyňlygy ýokarlandyrmak, işewürligiň bitewiligi we telekeçileriň hukuklaryny goramak, Merkezi Aziýa sebitiniň ýurtlarynyň ileri tutulýan ugurlaryndan biridir. Şu çäre, kärhanalaryň haýbat bilen almaklyga garşy göreşmek üçin mehanizmleri döretmek we mümkinçilikleri ýokarlandyrmak, administratiw päsgelçilikleri azaltmak, işewürlik pudagynda gatnaşygy güýçlendirmegi maksat edinýär. Sebit derejesinde, gatyşmagyň maksady öňdebaryjy tejribäni alyşmagyň täsirli mehanizmlerini döretmekden we işewürlik pudagynyň ýüzbe-ýüz bolýan umumy sebitleýin we serhetaşa korrupsiýa töwekgelçiliklerine has anyk düşünmegi ösdürmekden ybaratdyr. Milli derejede, bu çäre, ýokarda agzalan tematiki ugurlarda degişli ýurtlaryň ileri tutulýan ugurlaryna gönükdirilýär we özgertmelere aýratyn kömek bermäge synanyşýar.
Bu ugurda alnyp barylýan işler, bikanun ýol bilen alnan girdejileriň kanunlaşdyrylmagyna we terrorçylygyň maliýeleşdirilmegine garşy göreşmek üçin milli ulgamlary güýçlendirmek şeýle hem jenaýatçylykly ýol bilen alynýan girdejilere garşy göreşmek, ykdysady jenaýatçylygyň we korrupsiýanyň öňüni almak we oňa garşy göreşmek üçin hukuk goraýjy edaralary öz içine almak bilen häkimiýetleriň mümkinçiliklerini we mehanizmlerini gowulandyrmaklyga gönükdirilendir. Komponentiň sebit ölçegi, sebitdäki töwekgelçiliklere we howplara gönükdirilen korrupsiýa we ykdysady jenaýat boýunça gözlegleri, şeýle hem hukuk goraýjy edaralarynyň we döwlet gullugynyň işgärleri üçin sebitleýin tapgyrlaýyn okuw meýilnamalaryny öz içine alýar. Milli derejede alnyp barylýan işler, milli şertlere we özgertme proseslerine baglylykda her bir ýudruň aýratyn zerurlyklaryna we talaplaryna gönükdirilýär.
