Të enjten, më 16 nëntor, Këshilli i Evropës dhe Bashkimi Evropian do të mbajnë një tryezë të rrumbullakët për kodet e sjelljes në arsimin e lartë. Organizimi fillon në orën 9.30 në Hotel International Prishtina. Kjo tryezë e rrumbullakët është një nga aktivitetet e Veprimit "Forcimi i Integritetit dhe Luftimi i Korrupsionit në Arsimin e Lartë" i financuar nga Bashkimi Evropian dhe i bashkëfinancuar dhe zbatuar nga Këshilli i Evropës nën "Mjetin Horizontal për Ballkanin Perëndimor dhe Turqinë".
Folësi kryesor:
Profesor Dennis Farrington, është një ekspert ligjor i shquar i Mbretërisë së Bashkuar, me ekspertizë të veçantë në fushën e legjislacionit të arsimit të lartë dhe standardeve etike dhe me përvojë të gjatë në rajon. Ai do të prezantojë projekt-kodet e sjelljes për studentët, personelin akademik dhe menaxhmentin e lartë të institucioneve të arsimit të lartë, të cilat janë hartuar në kuadër të projektit të lartpërmendur.
Folësit në seancën e hapjes janë:
- Znj Isabelle Servoz-Gallucci - Kryesuese e Zyrës së Këshillit të Evropës në Prishtinë
- Z. Arbër Gecaj - Zëvendësministër i Arsimit, Shkencës dhe Teknologjisë
- Z. Libor Chlad, Zëvendës-Kryesues i Sektorit të Bashkëpunimit, Zyra e Bashkimit Evropian në Kosovë
- Z. Faton Berisha, Zëvendës Rektor i Universitetit të Prishtinës
- Znj. Vesna Atanasova, Menaxhere e Programit në Departamentin e Arsimit, Këshilli i Evropës
Gjuha: Anglisht me përkthim simultan në shqip
Organizimi është plotësisht i hapur për mediat. Deklaratat për shtyp do të jepen sipas kërkesës.