Konferenca e tretë ndërkombëtare "Plagjiatura në Evropë dhe jashtë saj 2017", e organizuar në datat 24-26 maj 2017 në Brno, Republika Çeke, këtë vit mirëpriti edhe Rektorët dhe Zëvendës Rektorët nga universitetet publike në Kosovë. Konferenca, e organizuar bashkërisht nga Universiteti Mendel në Brno, Rrjeti Evropian për Integritetin Akademik dhe Këshilli i Evropës, mblodhi së bashku 120 pjesëmarrës nga 49 vende nga të gjitha kontinentet përveç Antarktidës, siç tha në fjalën e hapjes së tij Kryesuesi i Konferencës Tomáš Foltýnek. Për përfaqësuesit e Kosovës organizimi ishte një përvojë zbuluese. Një nga pjesëmarrësit deklaroi se ishte interesante të zbulohej se çështjet e plagjiaturës dhe integritetit akademik janë çështje shqetësuese anembanë botës dhe për të parë se deri në çfarë mase mund të arrijnë plagjiatura dhe mashtrimi i kontratave. Për më tepër, për pjesëmarrësit, ishte një zbulim të mësojnë se plagjiatura dhe mashtrimi i kontratave ishin fusha të hulumtuara nga ekspertët dhe akademikët.

Pjesëmarrja në konferencë nga përfaqësuesit e universiteteve publike të Kosovës u mundësua nga aksioni i HF-së "Forcimi i Integritetit dhe Luftimi i Korrupsionit në Arsimin e Lartë".