Me synimin për të forcuar kapacitetet e institucioneve trajnuese të gjyqësorit në Ballkanin Perëndimor që ato të sigurojnë një zbatim efektiv të Konventës Evropiane për të Drejtat e Njeriut në nivel kombëtar, projekti “Institucionet Trajnuese të Gjyqësorit për Cilësi dhe Qëndrueshmëri” (JA-NET) do të mundësojë rekomandime kyçe për përmirësimin e ‘I-Librarisë’ ekzistuese për 7 Institucione Trajnuese të Gjyqësorit në 6 Përfitues – Shqipëri, Bosnjë Herzegovinë, Kosovë*, Mali i Zi, Maqedonia e Veriut dhe Serbi.
Për këtë qëllim, një vlerësim përshkrues i burimeve të mundshme të I-Librarisë dhe materialeve trajnuese ekzistuese mbi të drejtat e njeriut si dhe publikime të tjera legale brenda Institucioneve Trajnuese të Gjyqësorit në Ballkanin Perëndimor, është duke u zhvilluar. Vlerësimi i ndërmarrë nga Shkolla Shqiptare e Magjistraturës, Qendra për Trajnime Juridike e Federatës së Bosnjë dhe Herzegovinës, Qendra për Trajnime Juridike e Republikës Srpska, Akademisë Gjyqësore së Kosovës, Qendra e Trajnimit Gjyqësor e Malit të Zi, Akademia Gjyqësore e Serbisë si dhe Akademia për Gjykatës dhe Prokurorë e Maqedonisë së Veriut.
Si rezultat i këtij vlerësimi, do të zhillohen rekomandime të detajuara rreth përmirësimit të mëtejshëm të burimeve të I-Librarisë, ndërkohë që do të diskutohen me përfituesit edhe ndërhyrje të tjera.
Projekti “Institucionet trajnuese të Gjyqësorit për Cilësi dhe Qëndrueshmëri” (JA-NET) është pjesë e programit të përbashkët të BE dhe Këshillit të Evropës “Instrumenti Horizontal për Ballkanin Perëndimor dhe Turqinë 2019-2022”.
*Ky përcaktim nuk përbën asnjë paragjykim për qëndrimin në lidhje me statusin dhe është në përputhje me Rezolutën 1244 të Këshillit të Sigurisë të OKB-së dhe me Opinionin e Gjykatës Ndërkombëtare të Drejtësisë për Shpalljen e Pavarësisë së Kosovës.