Продолжува регионалната кампања „Блокирај ја омразата. Сподели љубов!“ чија цел е да се спротистави на феноменот на говорот на омраза, и со тоа да ја крене свесноста во јавноста за непосредната опасност од говорот на омраза и неговите негативни ефекти врз општествата во Западен Балкан. Оваа недела, кампањата се приближува до своите следбеници и им овозможува да дознаат повеќе за постоечките шаблони на говор на омраза во регионот, како и за одредени општествени групи кои се особено ранливи и подложни на говор на омраза.
Новообјавените фактографски листови ги идентификуваат најопштите форми на омраза во регионот. Секој фактографски лист нуди статистики за погодените групи и поединци, ги истакнува постоечките предизвици и добри практики, вклучувајќи и референци за релевантни и спроведливи европски стандарди и нуди предлози за тоа како да се продолжи понатаму.
Еве неколку примери за проблемите кои се претставени во фактографските листови: Дали знаете дека омразата кон и помеѓу одредени групи на млади е прилично раширена во Западен Балкан? Ова се нарекува силеџиство, што во денешно време обично се случува на интернет и е многу комплексно за решавање и сузбивање. Според еден академски напис, и децата врз кои се врши насилството, како и децата кои се силеџии, можат да се соочат со долгорочни проблеми. Секој од нас може да биде подобар и да споделува пораки за толеранција и почит кои ќе создадат спротиставени наративи на говорот на омраза, како и да се обиде да ги охрабри и поттикне жртвите да ги пријавуваат инцидентите со говор на омраза во соодветните институции.
Дали сте свесни дека злосторствата од омраза и говорот на омраза кон ЛГБТИ лицата се најчестите форми на омраза во регионот? Може да прочитате повеќе во еден од нашите фактографски листови во линкот подолу, каде може да најдете добри примери за тоа како да се воспостави неагресивна, сепак ефективна комуникација на различните теми поврзани со сексуалната ориентација, родовиот идентитет и половите карактеристики.
Покрај омразата кон ЛГБТИ лицата и младите, фактографските листи ќе помогнат при идентификување факти и бројки за следните постоечки форми на омраза кои ги таргетираат ранливите групи во регионот: говорот на омраза кон ромската заедница, религиските заедници, лицата со попреченост, мигрантите, жените и девојчињата.
ФАКТОГРАФСКИ ЛИСТОВИ „БЛОКИРАЈ ЈА ОМРАЗАТА. СПОДЕЛИ ЉУБОВ!“
 БЛОКИРАЈ ГО СЕКСИЗМОТ  ENG - BOS - MKD - SQI - SRB |
| БЛОКИРАЈ ЈА ОМРАЗАТА КОН ЛИЦАТА СО ПОПРЕЧЕНОСТ ENG - BOS - MKD - SQI - SRB |
| БЛОКИРАЈ ЈА ОМРАЗАТА МЕЃУ РЕЛИГИИТЕ ENG - BOS - MKD - SQI - SRB |
| БЛОЌИРАЈ ЈА ОМРАЅАТА HA ИНТЕРИЕТ ENG - BOS - MKD - SQI - SRB |
| БЛОКИРАЈ ЈА ОМРАЗАТА КОН МИГРАНТИТЕ ENG - BOS - MKD - SQI - SRB |
| БЛОКИРАЈ ЈА ОМРАЗАТА КОН ЛГБТИ ЛИЦАТА ENG - BOS - MKD - SQI - SRB |
| БЛОКИРАЈ ЈА ОМРАЗАТА КОН РОМИТЕ ENG - BOS - MKD - SQI - SRB |
Следете ја кампањата на посебно создадените страници на Facebook, Twitter и Instagram . Придружете ни се во нашите напори да се осигураме дека љубовта секогаш ќе победува во нашето општество.
Кампањата се спроведува во рамки на проектот „Промоција на различноста и еднаквоста на Западен Балкан“, кој е дел од заедничката програма на Европската Унија и Советот на Европа, „Horizontal Facility за Западен Балкан и Турција 2019-2022“, спроведена од Одделот за анти-дискриминација на Совет на Европа.