Back Алгоритми и човекови права – предизвици со кои се соочуваме

Алгоритми и човекови права – предизвици со кои се соочуваме

Во светот на технолошки промени техниките за автоматска обработка на податоци, како на пример алгоритмите, не само што им овозможуваат на корисниците на интернет да бараат и пристапуваат до информации, туку и сѐ повеќе се користат во процеси за донесување одлуки што претходно биле целосно во рацете на луѓе. Како да се заштитат човековите права и човековото достоинство кога сме соочени со вакво темпо на технолошки промени? Правото на живот, правото на правична судска постапка и пресумпција на невиност, правото на приватност и слобода на изразување, правата на работниците, правото на слободни избори, па дури и самото владеење на правото трпат влијание. Така, едно од прашањата што е моментално предмет на најжестоки дискусии е како да се одговори на предизвиците поврзани со „алгоритмите“ што ги користат јавниот и приватниот сектор?

Како поддршка за еден од корисниците на проектот Слобода на изразување и слобода на медиумите во Северна Македонија (ЈУФРЕКС) – Агенцијата за аудио и аудиовизуелни медиумски услуги (АВМУ) на Северна Македонија во справувањето со овие предизвици, студијата на Советот на Европа со наслов „Алгоритмите и човековите права“ е преведена на македонски јазик и истате е сега достапна онлајн.

Оваа студија утврдува низа прашања за човековите прават што ги покренува сѐ поголемата улога на алгоритмите во донесувањето одлуки и нивното различно влијание врз остварувањето на човековите права. Студијата содржи преглед на можните повреди на човековите права поради алгоритамски подготвени одлуки и влијанието на истите врз начинот на кој се остваруваат и гарантираат човековите првата во согласност со стандардите, како и принципите на владеење на правото и судските процеси. Ова издание има за цел да прикаже дел од најважните актуелни прашања од гледна точка на човековите права за Советот на Европа, како и да разгледа евентуални регулаторни алтернативи за кои земјите-членки треба да размислат за да ги сведат негативните ефекти на минимум, да поддржат добри практики и да се усогласат со европските стандарди.

Проектот Слобода на изразување и слобода на медиумите во Северна Македонија ЈУФРЕКС е дел од заедничката програма на Европската Унија и Советот на Европа „Хоризонтален инструмент за Западен Балкан и Турција II“, имплементирана од Советот на Европа. Оваа иницијатива за соработка им овозможува на корисниците да ги спроведат реформските планови во областите човекови права, владеење на правото и демократија, и да се усогласат со европските стандарди, вклучително, по потреба, во рамки на процесот на проширување на ЕУ.

Студија „Алгоритмите и човековите права“ (на македонски и англиски јазик)

Скопје Јули 2020
  • Diminuer la taille du texte
  • Augmenter la taille du texte
  • Imprimer la page

Horizontal Facility III

Заедничката програма на Европската унија и Советот на Европа „Horizontal Facility за Западен Балкан и Турција“ (Horizontal Facility III) е иницијатива за соработка, која трае од 2023 до 2026 година.

Програмата опфаќа проекти во Албанија, Босна и Херцеговина, Косово*, Црна Гора, Северна Македонија, Србија и Турција. Тоа им овозможува на корисниците да ги исполнат своите реформски агенди во областа на човековите права, владеењето на правото и демократијата и да се усогласат со европските стандарди, што е исто така приоритет за процесот на проширување на ЕУ.

Третата фаза од програмата е во вредност од 41 милион евра (85% финансирани од Европската унија, 15% од Советот на Европа).

Оваа веб-страница е направена со финансиска поддршка на Европската Унија и Советот на Европа. Ставовите изразени овде во никој случај не може да се смета дека го одразуваат официјалното мислење на која било од страните.

*Оваа ознака не ги прејудицира ставовите за статусот и истата е во согласност со Резолуцијата на ОНСБ 1244 и Мислењето на МСП за Декларацијата за независност на Косово.